Finfinnee, Caamsaa 14, 2015(FBC)- Yaa’iin Dhaabbata Raaga Qilleensaa Idil Addunyaa 19ffaan Siwiizarlaand magaalaa Jeeneevitti gaggeeffamaa jira.
Yaa’icharratti jilli Ityoophiyaa Daayrektara Olaanaa Inistiitiyuutii Raaga Qilleensaa Faxxanaa Tashoomaafi Ministir Deetaa Ministeera Bishaaniifi Inarjii Dooktar Abrahaa Addunyaan durfamu hirmaachaa jira.
Waltajjichaan filannoo barreessaa olaanaa, pireezidaantii, ittaanaa pireezidaantii dhaabbatichaa, pireezidaantota koomishinii teekinikaa, miseensota mana mare hojii raawwachiistuu dabalatee murtooleen garaagaraa ni darbuun kan eegamu ta’uu eerameera.
Kana malees fooyya’iinsa Dhaabbata Raaga Qilleensaa Idil Addunyaarratti mariiwwan dandeettii hoggansaa guddisuu danda’an kan taasifaman ta’uu ragaan Inistiitiyuutii Raaga Qilleensaa Ityoophiyaarraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.