Finfinnee, Waxabajjii 19, 2012 (FBC) – Ityoophiyaan deeggarsa meeshaalee yaalaa ittisa weerara vaayrasii koroonaa Jibuutiif laatte.
Deeggarsi meeshaalee yaalaa kun tilmaama Doolaara Ameerikaa kuma 300 olii kan qabudha.
Deeggarsicha kaleessa ministir deettaan Ministeera Dhimma Alaa FDRI Ambaasaaddar Reedwaan Huseen Jibuutii harkaan ga’aniiru.
Biyyoonni lamaan michuu gaarii fi daangaas kan waliin qooddatan waan ta’eef, qindoominaan weerara vaayrasichaa ittisuu dandeessisa jedhameera.
Ambaasaaddar Reedwaan, ministira Ministeera Dhimma Alaa fi Tumsa Idil Addunyaa Jibuutii Mahaammad Yasuuf waliin dhimmoota hariiroo biyyoota lamaanii, haala nageenya naannoo fi dhimma yeroorratti mari’ataniiru.
Ministirichi Jibuutiin faayidaa biyyoolessaa Ityoophiyaa kan kabajju ta’uu fi Ityoophiyaa cinaas kan dhaabbattu ta’uu beeksisaniiru.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.