Finfinnee, Gurraandhala 25, 2014 (FBC) – Ityoophiyaa fi Jibuutiin Loojistikii Galaanaa fi Qilleensarraan waliin hojjechuuf waliigaltee waliif mallatteessuu ibsame.
Daandiileen qilleensaa Ityoophiyaa fi Jibuutii, Abbaan Taayitaa Naannawaa Bilisaa Idil Addunyaa Jibuutii fi Tajaajilli Buufata fe’umsa goggogaa Dooraaleen Loojistikii Galaanaa fi Qilleensarraan haala waliin hojjechuu danda’anirratti waliigaltee waliif mallatteessuu eerameera.
Sirna waliigaltee mallatteessuu kanarratti Ittaanaan hogganaa Jibuutiitti Imbaasii Ityoophiyaa Ambaasaaddar Mahaammad Hasanii fi Hogganaan Abbaa Taayitaa Naannawaa Bilisaa Idil Addunyaa Jibuutii Abuubakar Oomaar Haadii argamaniiru.
Waliigaltechi hariiroo naannawaa gama qilleensaa fi galaanaan daran kan cimsu ta’uu eerameera.
Tajaajilli geejjibaa galaanaa fi qilleensarraa tajaajila gama galaanarraan kennamu dachaa lamaan kan saffisiisuu fi kaffaltii gama qilleensarraan laatamuu dachaa lamaan kan hir’isu ta’uu himameera.
Waliigaltechi damee tajaajila buufataa fi geejjibaarratti guddinaa fi bu’aa guddaa kan argamsiisu ta’uu ibsameera.
Dabalataanis ce’umsa beekumsaa fi fuulduratti biyyoonni kunneen imaammatasaanii diinagdee isaanii waliin walitti hidhuun dirree itti guddinasaaniif hojjetan kan uumu ta’uu ibsamuu ragaan Ministeera Dhimma Alaarraa argame ni mul’isa.
Ityoophiyaa :- Haa Misoomsinu, Haa Ijaarru, Haa qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.