Finfinnee, Hagayya 20, 2013 (FBC)- Ityoo Teeleekoom tajaajila intarneetii dhaaloota 4ffaa (4G) riijiinii giddugalaa Lixaa magaalaa Ambootti eegalchiiseera.
Hojii gaggeessituu olaantuun Ityoo Teeleekoom aadde Firehiywoot Taammiruu, hoggansii godinicha fi magaalaa Amboo saganticharratti argamaniiru.
Tajaajjilli intareentii saffisaa 4G kun magaaloota Amboo, Biraayyuu, Hoolataa, Sabbataa fi Walisoo fayyadamoo ni taasisaa jedhameera.
Tajaajilli intarneetii saffisaa 4G LTE hojii daldala teelee Birrii, odeeffannoo saffisaa karaa miidiyaalee hawaasaa, daldala dijitaalaa akkasumas odeeffannoo fe’uu fi buufachuuf tajaajila 3G irraa saffisa hanga dachaa 4n caaluun tajaajila akka kennu ibsameera.
Waggoota sadan darbanitti Ityoo teeleekoom hojii bu’uraalee misoomaa babal’isuun cinatti Tajaajila intaraneetii saffisaa 4G LTE kennuun fedhii tajaajilamtoota guutuuf karoora hojitti hiikamaa jiru akka ta’e aadde Firehiywoot Taammiruun ibsaniiru.
Tajaajilli intarneetii saffisaa Magaalaa Finfinneetti qofa daangeffame ture gara naannoolee fi magaaloota fageenya qabanitti eegalchiisuun guddina hawaas diinagdee biyyatti guddisuuf gahee olaanaa akka qabus himaniiru.
Maddi:-TOI
Feesbuukii keenyan dabalata odeeffannoo waqtaawaa argachuuf :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.