Finfinnee, Bitootessa 15, 2017 (FMC)- Ministirri Ministeera Daldalaafi Walitti Hidhamiinsa Naannawaa Dooktar Kaasaahun Goofeen Ministira Ministeera Inarjii, Albuudaafi Humna Haaromfamaa Mahaammad Arkaab waliin mari’ataniiru.
Tumsa bulchiinsa daldalaafi inarjiirratti marii bal’aa taasisuu Dooktar Kaasaahuun Goofeen ergaa miidiyaa hawaasummaa isaaniin dabarsaniin ibsaniiru.
Biyyoonni lameen hariiroo seena qabeessa qabaachuu kaasanii, Itiyoophiyaan hariiroo daldalaa biyyoota Afrikaa waliin qabdu babal’isuuf kutannoon hojjjechaa jirti jedhan.
Aljeeriyaa waliinis walitti hidhamiinsa daldalaa cimsuuf mari’achuu eeraniiru.
Aljeeriyaan bulchiinsaafi misooma inarjiirratti muuxannoo cimaa qabaachuu kan ibsan Dooktar Kaasaahuun, gama Kanaan teekinikaafi leenjiirratti muuxannoo waljijjiiruuf waliigalleerra jedhan.
Jilli kun riifoormii Itiyoophiyaan gaggeessiteefi bu’aalee argaman dinqisiifachuus eeraniiru.