Finfinnee, Caamsaa 24, 2013 (FBC) – Israa’eelii fi Emireettoonni Araba Gamtoomanii walii galtee qaraxaa jalqabaa mallatteessaniiru.
Waliigalteen Eeggumsa Invastimantii hammatee fi qaraxaa jalqabaa biyyoota lamaan gidduutti mallattaa’uu Ministeerri Maallaqaa Israa’eel beeksiisera.
Waliigaltichi yaa’iinsa Invastimantii guddisuurra darbee qaraxa irra deddeebii hambisuuf kan gargaaru ta’uu Shiinwaan Ministeericha wabeeffachuun gabaaseera.
Dabalataan waljijjiirraa daldalaa biyyoota lamaanii fi tumsa Biiznasii guddisuu keessatti qooda olaanaa qabaachuu himameera.
Waliigaltichi daldala haqa qabeessa, waljijjiirraa odeeffannoo dabalatee wayita daldalaa qaraxa hir’isuuf kan kaayyeeffame ta’uu ibsameera.
Biyyoonni lamaan bara Faranjootaa 2020 mariisiisummaa Waashiingitaniin hariiroo Dippiloomaasii haaromsuuf walii galuun isaanii kan yaadatamuudha.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.