Finfinnee, Fulbaana 22, 2014 (FBC) – Irreechi Hora Finfinnee bara 2014 isaan kana dura qabajamaa turan caalaa haala hoo’iina qabuun kabajamuu bulchiinsi magaalaa Finfinnee beeksiise.
Kabajni Ayyaana Irreechaa Hora Finfinnee rakkoo tokko malee karaa nagaan xumuramuu Kaantibaan magaalaa Finfinnee Aadde Adaanach Abeebee ibsaniiru.
Aadde Adaanach kabaja Ayyaanichaa ilaalchisee miidiyaaleef ibsa laataniiru.
Yaaliin Namoonni muraasni ayyaanicha jeequuf taasiisan hirmaannaa ummataa fi qaamolee nageenyaan fashalaa’uu eeraniiru.
Ayyaanni Irreechaa Hora Finfinnee yeroo 3ffaaf magaalaa Finfinneetti kabajame rakkoo tokko malee karaa nagaan xumuramuu himaniiru.
Ayyaanicharratti hirmaattoonni miiliyoona 3 olitti tilmaamaman hirmaachuu ibsaniiru.
Ayyaanni Irreechaa ayyaana jaalalaa, tokkummaa, araaraa, galateeffannaa fi hawwii gaarii ta’uu isaarra darbee hariiroo fi walitti dhufeenya ummataa kan cimsu akka ta’e fuula miidiyaa hawaasummaa isaaniin eeraniiru.
Aadde Adaanach kabajni Ayyaana Hora Finfinnee milkiin akka xumuramu qaamolee gumaacha taasiisan hunda galateeffataniiru.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna..