Finfinnee, Muddee 2, 2012 (FBC) – Jilli Ityoophiyaa dorgommii walakkaa maaraatoonaa yaadannoo Atleet Abbabaa Biqilaa 14ffaarratti hirmaatu Jaappaan galeera.
Dorgommichi Jaappaan magaalaa Kaasaamaatti gaggeeffama.
Dorgommii kanarratti Atleet Daraartuu Tulluu, Gazzaahany Abarraa, Masarat Daffaar, Geexee Waamii akkasumas atleettoonni biroo lama ni hirmaatu jedhameera.
Dorgommichi Dilbata dhuftu Muddee 5, 2012 gaggeeffama.
Jila Ityoophiyaa hogganuun Jaappaan kan gale itti aantuu preezdaantii Federeeshinii Atleetiksii Ityoophiyaa Koloneel Atleet Daraartuu Tulluuti.
Ministirri Olompiika Tookiyoo fi Paaraa Olompiikii Hashimiitoo Seekkoo fi Jaappaanitti Ambaasaaddarri Imbaasii Ityoophiyaa Kaasaa Takla Birihaan simannaa taasisaniifiru.
Koloneel Atleet Daraartuu Tulluus simannaa taasifameef galateeffataniiru.