Finfinnee, Mudde 9, 2017 (FMC) – Naannawichatti Nageenya Waaraa Mirkaneessuuf Dhaabbilee Amantaalee waliin tumsaan kan hojjetu ta’uu Dhaabbanni Misooma Mootummoota Baha Afrikaa (IGAD) beeksise.
Barreessaa Olaanaan Dhaabbatichaa Dooktar Warqinaa Gabayyoon, Abbootii Amantaalee,Hayyootaa fi Ogeeyyii Miidiyaa Biyyoota Miseensa IGAD waliin mari’ataniiru.
Marii isaaniin naannawichatti nageenyaa fi tasgabbii eegsisuufi yaadoota fiinxaleessaa ittisuu haaloota dandeessisanirratti mari’achuun ibsameera.
Misooma waloo Naannawichaaf dhaabbilee michuu waliin walta’iinsaan hojjechuufis mari’achuu ragaan Dhaabbatichaarraa argame ni mul’isa.
Dooktar Warqinaan,Naannawichatti Nageenya waaraa mirkaneessuuf Abbootii Amantaalee fi qoodaa fudhattoota waliin qindoominaan kan hojjetamuu ta’uu himaniiru.