Finfinnee, Hagayya 9, 2013 (FBC)- Humni badhaadhinaa fi guddina Ityoophiyaa gufachiisu hin jiraatuu jedhan itti aantuun kantiibaa bulchiinsa Magaalaa Finfinnee Aadde Adaanach Abeebeen.
Miseensoonni Raayyaa Ittisa Biyyaa fi humni poolisii duraanii Addabaabay Masqalaatti hiriira bahuun rayyaa ittisa biyyaatiif tumsa qaban ibsaniiru.
Miseensoonni Raayyaa Ittisa Biyyaa duraanii humna Juuntaa biyya diiguuf socha’aa jiru dhabamsiisuuf Raayyaa Ittisa Biyyaa cinaa hiriiruun gahee irraa eegamu kan bahaan ta’uu himaniiru.
Waltajjicharratti kan argaman Aadde Adaanach Abeebee,miseensoonnii fi gaggeessitoonni humna waraanaa fi pooliisii duraanii birmadummaa biyya isaaniitiif kaka’umsa qabaniin Raayyaa Ittisa Biyyaa tumsuun gahee irraa eegamu bahuuf fedhii qaban haala kanaan ibsu isaaniitiin galateeffataniiru.
Hiriircharratti Meejar Jeneral Mardaasaa Leellisaa,Birgaadeer Jeneraal Kaasaayee Camadaa dabalatee, gaggeessitoonnii fi miseensoonni fi maatiin humna waraanaa fi poolisii duraanii hedduun hirmaataniiru.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.