Finfinnee, Sadaasa 11, 2017 (FBC) – Hojjettuun mana qaxaramtee hojjetaa turtee qabeenyaa Birrii miiliyoona 2 olitti tilmaamamuu fi maallaqa hattee miliqxe to’atamuu Poolisiin Magaalaa Finfinnee beeksise.
Shakkamtuun kun magaalaa Finfinnee kutaa magaalaa Lammii Kuraa aanaa 2 bakka addaa Zoonii Ayaat 1 jedhamee waamamutti Onkololeessa 22, 2017 yakka kana raawwachuun miliquu Poolisiin ibseera.
Maallaqa biyyoota garaagaraa mana keessa turee fi faayaalee warqee adda addaa hatuun miliquu ishee miidhamtoonni Poolisiitti iyyachuu hordofee hordoffiin taasifamaa turuu himeera.
Hordoffii taasiifameenis shakkamtuun uffataalee, Kopheewwan, Doolaara Ameerikaa kuma 18 fi Ruuppii Hindii, faayaalee Warqee garaagaraa waliin to’annoo jala ooluu ibseera.
Waraqaa eenyummaa maqaa garaagaraan baafattee fayyadamaa turte lama waliin to’atamuu himeera.
#Oromia #Ethiopia