Finfinnee, Sadaasa 7, 2017 (FBC) – Magaalaa Shaggaritti hojiin Kaadaastera Lafaa madda malaammaltummaa hamaa ta’eera jedhamuun komiin bal’inaan ka’aa jira.
Faanaa Biroodkaastiingi Koorporeet dhimma kana ilaalchisee komii hawaasa bira jiru qulqulleessuuf yaaleera.
Waggootaan sadan darbanii eegalee Kutaalee bulchiinsa magaalaa Shaggar tokko tokkotti Kaartaa Kaadaasteeraa fudhachuuf Birriin kuma 25 hanga kuma 50 akka gaafatamu odeeffannoon hawaasa biraa argame ni mul’isa.
Keessattuu, yeroon galmee dabreera, kaartaan duraa rakkoo kallattii fi Koordineetii qaba, ragaan lafaa qabdan guutuu miti sababoota jedhamaniin maallaqni guddaan seeraan hin eeyyamamne gaafatamaa turuu fi gaafatamaa jiraachuu eeruun hawaasaa ni mul’isa.
Komiiwwan kana bu’uura godhachuun Waajjira Kaadaastera Lafaa Bulchiinsa Magaalaa Shaggar dubbisuun deebii isaanii qabannee kan dhiyyannu ta’a.
Siifan Magarsaatiin
#Oromia #Ethiopia