Finfinnee, Mudde 13, 2017 (FMC) – Finfinneetti Hoggantoonni qabeenya misooma kooriidariin kaafaman faayidaa dhuunfaaf oolfachuuf yaaluun shakkaman to’atamuu ibsame.
Magaalaa Finfinnee Kutaa Magaalaa Eekkaatti hoggantoonni aanaa 6, qabeenya sababa misooma kooriidariin tilmaamni kennamee naannawaa Qarsaatii diigaman faayidaa dhuunfaaf oolfachuuf yaaluun shakkaman to’atamuu Bulchiinsi Magaalaa Finfinnee beeksiseera
Hoggantoonni 3 to’annoo jala kan ooluun qorannoon gaggeeffamaa jiraachuu ragaan Waajjira Kaantiibaa magaalichaarraa argame ni mul’isa.
Bulchiinsi Magaalaa Finfinnee fedhii misoomaa uummata magaalichaa guutuuf halkaniif guyyaa yeroo socho’utti qaamolee muraasa fedhii dhuunfaaf socho’an hordofee to’annoo jala oolchuu akka itti fufu mirkaneesseera.