Finfinnee, Sadaasa 16, 2017 (FBC) – Hizboolaahiin Misaa’elootaa fi Diroonoota hedduun Israa’eel haleeluu Raayyaan Ittisaa Israa’eel beeksise.
Waraanni Israa’eelii fi Hidhattoota Libaanoos Hizboolaahii gidduutti adeemsifamaa jiru cimee itti fufuu eerameera.
Israa’eel tibbana qabiyyeewwan Hizboolaahii Libaanoos Magaalaa Beeruutiitti argaman irratti qiyyeeffachuun haleellaa raawwachuu BBCn gabaaseera.
Kana hordofee Hizboolaahiin Misaa’eelootaa fi Diroonota 340 ta’an fayyadamuun haleellaa haloo bahuu Israa’eelirratti raawwachuu ibsameera.
Haleellaa kanaan qabeenyi hedduun barbadaa’uu fi namootarras miidhan qaqqabuu himameera.
Hanga ammaatti namoota11 irra miidhaan salphaa fi cimaa qaqqabuu Ministeerri Raayyaa Ittisaa Israa’eel ibseera.
#Oromia #Ethiopia