Finfinnee, Onkololeessa 25, 2017 (FBC) – Hariiroo Magaalaa Finfinnee fi Kuwaalaalaampuur cimsinee itti fufsiifna jedhan Kantiibaan Magaalaa Fifinnee Aadde Adaanech Abeebeen.
Aadde Adaanech gama miidiyaa hawaasummaa isaaniin daawwannaa Maaleezhiyaatti taasisaniin, Kantiibaa Itti Aanaan Kuwaalaalaampur Ismaadii Biin Saakiriinii fi hooggantoonni bulchiinsa magaalichaa simannaa ho’aa nuuf taasisaniiru’ jedhan.
Finfinnee fi Kuwaalaalaampur gidduutti walitti dhufeenya cimsuun keessumaa pilaanii magaalaan, misooma magariisaan, kunuunsaa fi eegumsa naannawaa, iddoolee bashannana uummataa, invastimantiin, fayyaan, dameewwan daldalaa fi tuurizimii irratti daran walitti dhiyaannee haala hojjechuun danda’amurratti marii bu’a qabeessa taasisuus ibsaniiru.
Turtii isaaniin giddugala to’annaa tiraafikii ismaartii akkasumas Giddugalaa Eegumsaa fi Qorannoo Paardinaa daawwachuu akkasumas yaadannoo Magaalaa Finfinneef biqiltuu dhaabuu eeraniiru.
Magaalaa Kuwaalaalaampur jiraattotaaf mijattuu taasisuu fi misooma turizimiin hojiileen tiraanisfoormeeshinii adeemsisaa jirtu irraa barachuu fi hariiroo magaalota lameenii cimsanii kan itti fufsiisan ta’uu dubbataniiru.
#Oromia #Ethiopia