Finfinnee, Onkololeessa 13, 2015 (FBC) – Godina Harargee Bahaa Aanaa Giraawwaatti balaa Tiraafikaa muudateen lubbuun namoota 4 darbuu Qajeelchi Poolisii godinichaa beeksiseera.
Halkan edaa Konkolaataan fe’umsaa Aanaa Haramaayaa ka’uun gara aanaa Mayyuu imalaa ture aanaa Giraawwaatti kufee garaagaruun lubbuun namoota 4 darbuu Hogganaan Diivizyii Kominikeeshinii fi Miidiyaa qajeelchichaa Inispeektarri olaanaan Tolasaa Goshuun ibsaniiru.
Balichaan nama tokkorra balaa cimaan,namoota 2 irra ammoo balaa salphaan qaqqabuu Inispeektarri olaanaan Tolasaan Faanaa Biroodkaastiing Korporeetiif himaaniiru.
Konkolaachisaan yeroof miliquu fi sababni bilichaa qulqullaa’aa jiraachuu eeraniiru.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.