Finfinnee, Eebila 28, 2013 (FBC) – Har’aa eegalee iyyata kaadhimamtoota bakka buusuu, Jijjiiruu fi fooyya’insa kamiyyuu kan hin keessummeessine ta’uu Boordiin Filannoo Biyyaalessa Ityoophiyaa beeksiiseera.
Boordichi erga galmeen kaadhimamtootaa xumuramee iyyaannoo dhiyaatan qorachuun,rakkoolee muudatan hiikaa turuu ifoomseera.
Akkaataa labsii naamusaa fi galmee Paartilee Siyaasaa 1162/2011 keeyyata (39) mursaa 3n Paartileen Siyaasaa Kaadhimamaa isaa jijjiiruu ykn bakka buusuu kan danda’u, yeroon galmee kaadhimamtoota xumuramee guyyaa sagaleen itti kennamu baatii tokko dura guyyoota jiran keessatti ta’uu akka qabu tumameera.
Haaluma kanaan guyyaa har’aa eegalee iyyata Kaadhimamtoota Bakka buusuu, Jijjiiruu fi fooyya’insa kamiyyuu kan hin keessummeessine ta’uu Boordiin Filannoo biyyaalessaa ifoomsuu ragaan Fuula Boordichaarraa argame ni muul’isa.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.