Finfinnee, Waxabajjii 21, 2013 (FBC) – Hanqina geejjibaa jiru furuuf yeroo dhiyootti bittaan Awutoobisoota 200 raawwatamuuf ta’uu Tajaajilli Bittaa fi Dhabamsiisa Qabeenyaa magaalaa Finfinnee beeksiise.
Karoora yeroo dheeraan rakkoo Geejjiba magaalaa Finfinnee furuuf Awutoobisoota kuma 3 bittaa raawwachuuf karoorfamuu Hojii Gaggeessan Dhaabbatichaa obbo Biqalaa Gaalaanaa Faanaa Broodkaasting Korporeetiif himniiru.
Yeroo dhiyootti Awutoobisoonni 200 bittaan akka raawwatamuuf murtaa’uu himaniiru.
Gama biroon ammatti hanqina Geejjibaa jiru furuuf yeroo gabaabaatti Konkolaattoonni Kireeffaman gara hojiitti kan galan ta’uu eeraniiru.
Siisay Geetineetiitu gabaase.
Feesbuukii keenyan dabalata odeeffannoo waqtaawaa argachuuf;
Teelegraamahttps://t.me/afanoromofana
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.