Finfinnee, Bitootessa 12, 2017 (FMC) – Bitooteessa 12 – 22, 2017tti qilleensi jiidhaan uumamuu Roobaaf sababa ta’u guyyaa gara guyyatti cimaa kan deemu ta’uu Inisttityuutiin Raaga Haala Qilleensaa Itiyoophiyaa beeksiise.
Haaluma kanaan kutaaleen biyyattii Rooba Arfaasaa argatan roobaa salphaa hanga giddugaleessaa kan qabaatan ta’uu ibseera.
Kutaaleen Giddugaleessaa, Kaaba Bahaa fi Kibba Lixaa sa’aatii 24 keessatti Rooba cimaa miilii meetira 30 kan argatan ta’uu tilmaameera.
Gama biroon Anniisaa Aduun walqabatee naannoon Gaambeellaa, Afaar, Somaalee, Beenishaanguul Gumuzii fi Lixa Amaaraatti hamma hoo’aa Digirii Seelshiyesii 35 – 40 ta’u akka jiraatu raaguu ragaan fuula Inistiityuuticharraa argame ni mul’isa.
#Oromia #Ethiopia