Finfinnee, Bitootessa 10, 2102 (FBC) – Bulchiinsi Manneen Amala Sirrreessaa Federaalaa maatiin sirreeffamtootaa guyyootii 15f sirreeffamtoota akka hin gaafanne ittisuu beeksise.
Murtichi weerara vaayrasii koroonaa ittisuuf kan darbe jedhameera.
Sirreeffamtoonni vaayrasichaaf akka hin saaxilamne guyyootii 15f gaafattoonni gara mana amala sirreessaa akka hin dhufnes jedheera.
Guyyootii 15n kanneenitti sirreeffamtoonni maatidhaan walarguun hin eeyyamamu.
Jeneraal koomiishinarri mana amala sirreessichaa Jamaal Absoo ibsa har’a laataniin akka beeksisanitti ittisichi guyyootii 15 kan turudha.
Sirreeffamtoonni dhibeen cimaan yoo isaan hin mudatin, gara hoospitaalotaa riifaraalan hin ergaman jedhaniiru.
Naannoo manneen amala sirreessaatti hojiileen of eeggannaa hojjetamaa jiraachuus ibsaniiru.