Finfinnee,Waxabajjii 17,2012 (FBC) – Guyyoota 6n darbaniitti meeshaaleen Koontiroobaandii Birrii miiliyoona 27.5 olitti tilmaamamu to’atamu Ministeerri Galiiwwanii beeksise.
Hojiin to’annoo daldala waliin dhahuu fi Koontiroobaandii too’achuu cimee itti fufuu isaa Ministirri Ministeera Galiiwwanii obbo Laaqe Ayyaalew beeksisaniiru.
Guyyoota 6n darbaniitti hordoffii meeshaalee Koontiroobaandii fi sosochii daldala waliin dhahuu taasifameen meeshaaleen Birrii miiliyoona 27.5 olitti tilmaamamu to’atamu Ministirichi beeksisaniiru.
Buufataalee too’annoo Gumruukaa hundatti too’annoo fi hordoffii taasifameen Konkolaattoonni, meeshaaleen elektirooniksii, huccuuwwan, Zayinni nyaataa, baalli sammuu adoochuu fi kanneen biroo qaamoolee nageenyaa federaalaa fi naannooleetiin too’annoo jaluu ooluu obbo Laaqen ibsaniiru.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.