Finfinnee, Hagayya 28,2014(FBC)- Waajjirri barnoota Godina Arsii Lixaa bara barnootaa 2015tti barattoota kuma dhibba 7 fi kuma 51 simatee barsiisuuf hojjachaa jiraachuu beeksise.
Waajjirichi hojii bara barnoota 2015 irratti qooda fudhattoota waliin mari’ateera.
Sirna baruu fi barsiisuu milkeessuuf daree dabalataa 400 ta’an ganna kana ijaaramuu itti aanaan itti gaafatamaa waajjirichaa obbo Ibsaa Sarbeessaa himaniiru.
Dabalataanis manneen barnoota Bu’uura Boruu 490 bara 2014tti hojjatamanii baruuf barsiisuuf qophaa’uu dubbataniiru.
Waajjirichi Sirna Nyaata manneen barnootaatiin, barattoota barnoota Idileen duraa fi kutaa 1ffaa – 4ffaa kuma dhibba 4 fi kuma 51’f sooranni mana baruumsaatti kan dhiyaatuuf ta’uu waajjirichi eeraniiru.
Hojii barattoota galmeessuutiin hanga ammaatti barattoonni kumni dhibbi 3fi kumni 80 galmaa’uu ibsameera.
Jibriil Huseenii fi Lammaa Tasfaayeetu gabaase.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.