Finfinnee, Caamsaa 13, 2016 (FBC) – Godina Arsii Aanaa Roobeetti hiriirri deeggarsaa mootummaa jijjiiramaa fi balaaleffanna shanee gaggeeffameera.
Hirmaattootni hiriirichaas gochaa badii shanee kan balaaleffatan ta’uu himuun, qindoominaan nageenya eeggaachaa misooma eegalame itti fufuuf kan hojjetan ta’uu ibsaniiru.
Bulchaan Godina Arsii Obbo Ibraahim Kadiir, diina kaayyoofi galma hin qabne saamichaafi ajjeechaa irratti bobba’uun nageenya booressu hawaasni tokkummaafi qindoominaan ijaaramuun of keessaa qulqulleessuu akka qaban dhaamaniiru.
Sadarkaa Ittaanaa Pireezidaantiitti Qindeessaan Kilaastara Hawaasummaa Obbo Abdulhaakim Muluun gama isaaniin misooma,badhaadhinaafi sirni diimokiraasii dhugaa ta’e lafa qabsiisuuf rakkoolee nageenyaa hundeerraa hiikuun murteessaa ta’uu himaniiru.
Hirphoo Shibootu gabaase.