Finfinnee, Sadaasa 3, 2017 (FBC) –Godina Arsiitti oomisha lafa hektaara Kuma 900 fi kuma 30 olirratti qonnaa gannaan misoomaa irraa hanga ammaatti lafa hektaara kuma 100 fi kuma 42 irraa walitti qabamuu Waajjirri Qonna godinichaa beeksiseera.
Rooba yeroo malee roobaa jiru hordofee oomishni ga’ee akka hin qisaasofnee oomisha ga’ee sassaabuun callaan baay’inaa fi qulqullinaan akka argamu taasisaa jiraachuu qonnaan bultoonni godinichaa Faanaa Biroodkastingi Korpooreetiif himaniiru.
Godinichatti lafa hektaara kuma 100 fi kuma 42 irraa oomishni qamadii walitti qabamuu Itti Gaafatamaan Waajjirra Qonnaa Godina Arsii Obbo Gannaa Muhammad ibsaniiru.
Bara kana hanga ammaatti Oomisha walitti qabameerraa callaan kuntaalli miiliyoonni 2 fi kumni 700 ol argamuu dubbataniiru.
Abdallaa Amaanii fi Qiddisti Zawudeetu gabaase.