Finfinnee, Fulbaana 25, 2017 (FBC) – Godina Jimmaatti bara 2017 lafa hektaara kuma 500 ol jallisiin misoomsuuf hojjetamaa jiraachuu ibsameera.
Godinicha sosochiin misooma Qamadiifi Baala Shaayee eegaleera.
Biqiltuu baala Shaayii miiliyoona 400 misoomsuun haala danda’amu irratti mariin taasifameera.
Qamadii Jallisii Bonaan misoomsuuf sanyiin filatamaafi xaa’oon qophaa’uu Bulchaan godina Jimmaa Obbo Tijjaanii Naasir himaniiru.
Lageen 994fi paanpiiwwan bishaani kuma 5 ol fayyadamuuf lafa qamadiin misoomu adda bahuu eeraniiru.
Misooma Qamadii Jallisii fi Baala Shaayii irratti qonnaan bultootni kumni 475 kan hirmaatan ta’uu dubbataniiru.
Muktaar Xahaatu gabaase.
#Oromia #Ethiopia