Finfinnee, Waxabajjii 22, 2015 (FBC)-Godinaalee Oromiyaa garaagaraatti duulli biqiltuu dhaabuu Sagantaa Asharaa Magariisaa Boqonnaa 2ffaan gaggeeffamaa jira.
Sagantichi Godina Harargee Lixaa Aanaa Odaa Bultumitti bakka Afyaa’iin Caffee Oromiyaa Aadde Sa’aadaa Abdurraahmaan argamanitti dhaabbiin biqiltuu gaggeeffameera.
Hawaasni Godina Harargee Lixaa rakkoo sababa Jijjiirama qilleensaan isa mudaterraa barachuun hojii kunuunsa qabeenya Uumamaarratti cichee hojjechaa jira jedhan, Aadde Sa’aadaan.
Bara kana Godina Harargee Lixaatti sagantaa Ashaaraa magariisaan biqiltuu miiliyoona 300 fi miiliyoona 65 dhaabuuf karoorfameera.
Haaluma walfakkaatuun, Godina Shawaa Bahaatti dhaabbiin biqiltuu Ashaaraa Magariisaa Boqonnaa 2ffaa waggaa jalqabaatiin biqiltuu miiliyoona 260 dhaabuuf, Hogganaa Biiroo Qonnaa Oromiyaa Obbo Geetuu Gammachuutiin Aanaa Adaamaatti jalqabsiifameera.
Akka Godina Shawaa Bahaatti barana biqiltuu gosa garaagaraa miiliyoona 524 kan dhaabamuu ta’uu ragaan Biiroo Qonnaa Oromiyaarraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataan argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.