Finfinnee, Adoolessa 27, 2015 (FBC) – Godina Jimmaatti qonna gannaan qamadiin lafa hektaara kuma 69 olirratti misoomaa jiraachuu Waajjirri Qonnaa Godinichaa beeksiise.
Godinicha Aanaa Deedootti qamadiin sanyii filatamaa bara dhufuuf hanqina sanyii furu lafa heektara 160 irratti facaafameera.
Qonnaan-bultoonni aanaa kanaa sanyii filatamaa kana misoomsaa jiranis Yuuniyeenii waliin hojjetaa jiru jedhame.
Godinichatti hanqinni sanyii filatamaa akka hin mudanneef qooda fudhattoota waliin gamanumaan hojjetaa jiraachuu Itti Gaafatamaan Waajjira Qonnaa Godina Jimmaa Obbo Mohaammad Abbaafixxaa dubbbataniiru.
Barana walii galaan qamadiin lafa heektaara kuma 69fi 127 irratti misoomaa jiraachuun eerameera.
Bulchaan Godina Jimmaa Obbo Tijjaanii Naasir, rakkoo jiru itti dhiheenyaan furaa badhaadhina qonnaan bultootaa mirkaneessuuf hojjetama jechuu OBN gabaaseera.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.