Finfinnee, Caamsaa 10, 2013 (FBC) – Gibtsi lola Israa’eelii fi hidhattoota Filisxeem Hamaas gidduutti uumameen miidhaa qaqqabe deebisaanii ijaarsuuf Doolaara miiliyoona dhibba 5 deeggarsa taasiifte.
Preezdaantiin Gibtsi Abduul Fattaa Al Siisiin deeggarsichi walitti bu’iinsa uumameen miidhaa qaqqabe dandamachiisuuf kan oolu ta’uu beeksiisaniiru.
Hojii deebisanii ijaaruu keessatti dhaabbileen Gibtsi kan hirmaatan ta’uu Preezdaanti Al Siisiin himuu isaanii ragaan Waajjira Dubbii Himaa Preezdaantii Gibtsirraa argame agarsiisa.
Lola kanaan hanga ammaatti daa’immaan 61 dabalatee lammiileen Filisxeem 213 ajjeefamuu ibsameera.
Poolisiin Israa’eel haleellaa Gaazaarraa raawwattameen guyyaa har’aa hojjettoonni lama ajjeefamuu ibseera.
Lolichaan lammiileen Filisxeem kumni 1 fi 442 kan mada’aan yoo ta’uu, lammiileen Israa’eelis 564 ol madaa’uu ibsameera.
Biyyoonni addunyaa waliigalteen dhukaasa dhaabuu akka gaggeeffamu waamicha dhiyeessaa jiranis, haleellaan qilleensaa Israa’eel Gaazaa Sirxirratti raawwattuu fi Hamaas Rokkeettiin gara Israa’eeliitti forguugu itti fufeera.
Maddi:-BBC
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.