Gareen shororkeessaa ABUT qocholloo naannoo Afaar irratti taasisu akka dhaabuuf jiraattonni godina Gabiirasuu gaafatan

Finfinnee, Amajjii 24, 2014 (FBC)-  Gareen shororkeessaa ABUT qocholloo naannoo Afaar irratti taasisu akka dhaabuuf jiraattonni godina Gabiirasuu aanaa Gawwaanee hiriira ba’uun  gaafatan.

Ajjeechaa garichi lammilee nagaa Kalibatii Rasuu fi Aba’alaarratti raawwachaa jiru akka dhaabu jiraattonni gaafataniiru.

Gochaa ajjeechaa garee shororkeessaan kun daa’immanii fi maangoddootarratti raawachaa jiru akka dhaabuuf jiraattonni aanaa  Gawwaanee hiriira nagaa ba’uun gaafachuu hogganaan waajjira kominikeeshinii aanichaa obbo Maasrashaa Habtee ibsaniiru.

Gocha shororkeessumaa garee kanaa hawaasni balaaleffachuu addeessaniiru.

Ittaanaan hogganaa aanaa Gawwaanee obbo Moomiin Adaagoo gamasaaniin garichi salphina kanaan dura adda waraanaa Miilee Cifraatti uffate ammas ni uffata jedhaniiru.

Waraana addichatti gaggeeffameen maatiisaanii kan dhabanii fi miidhaan irra ga’eef deeggarsi taasifamaa jiraachuu kaasaniiru.

Saamraawiit Yasigaattu gabaase.

Ityoophiyaa :- Haa Misoomsinu, Haa Ijaarru, Haa Qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.

Comments (0)
Add Comment