Finfinnee, Fulbaana 8, 2016 (FBC) – Gamtaan Awurooppaa hariiroo dippilomaasii Itiyoophiyaa waliin qabu cimsuuf murannoo qabaachuu Komishinarri Tumsa Idil-addunyaa Gamtaa Awurooppaa Juuttaa Urpiilaayinan ibsan.
Itti Aanaan Muummee Ministiraa fi Ministirri Dhimma Alaa Obbo Dammaqaa Makonnin Yaa’ii waliigalaa Dhaabbata Mootummoota Gamtoomanii 78ffaa cinaatti Juuttaa Urpiilaayinan waliin dhimmoota waloorratti mari’ataniiru.
Obbo Dammaqaa Makonniin Itiyoophiyaan nageenya mirkanneessurratti ejjennoo qabaachuu qabdu ibsaniiru.
Gamtaan Awurooppaa tumsa Itiyoophiyaaf taasiisu akka cimsu gaafataniiru.
Itiyoophiyaan waliigaltee Piriitooriyaa hojiirra oolchuuf murannoo agarsiifte Juuttaa Urpiilaayinan dinqisiifataniiru.
Akka michuu tarsimawaatti Gamtaan Awurooppaa tumsa Itiyoophiyaa waliin qabuuf iddoo addaa kan kennu ta’uu kaasaniiru.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.