Finfinnee, Guraandhala 17, 2015 (FBC) – Naannoo Gaambeellatti Tiraakteroonni 28 aanaalee 13 fi magaalaa Gaambeellaaf rabsamaniiru.
Tiraakteroota kanaan Biiroon Qonnaa fi Qabeenya Uumamaa naannichaa aanaalee fi magaalaa Gaambeellaaf laateera.
Naannichatti oomishaa fi Omishtummaa qonnaa guddisuun wabii midhaan nyaataa mirkaneessuuf Tiraakteroonni kunneen qooda olaanaa qabaachuu Pireezidaantiin naannoo Gaambeellaa Obbo Umood Ujuluun ibsaniiru.
Hojiilee misoomaa naannichatti eegalaman cimsuuf ga’ee qabaachuus kaasaniiru.
Dubartoonni fi Dargaggoonni dursa kan argatan ta’uu ibsaniiru.
Tiraakteroonni guyyaa har’aa aanaalee fi magaalaaf qoodaman naannichi hiyyummaa keessaa akka ba’u kan gargaaru ta’uu Hogganaan Biiroo Qonnaa naannichaa Obbo Ajaak Uchaaalaan ibsuu ragaan Biiroo Kominikeeshinii naannicharraa argame ni mul’isa.
#Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.