Finfinnee, Waxabajjii 20, 2014 (FBC) – Gaaboonii fi Toogoon Garee ‘Common Wealth’ jedhamanitti makamuuf gaaffiin dhiyeessan Sanbata darbe fudhatama argachuun eerameera.
Miseensota biyyoota 54 kan qabu Garee ‘Common Wealth’ biyyoota lameen dabalataan miseensummaan kan simatee xumura yaa’ii garechaa Ruwaandaatti gaggeeffamerratti ta’uu ibsameera.
Yaa’iin Garee ‘Common Wealth’ Ruwaandaatti gaggeeffame guyyaa xumuraa, Pirezidaantiin biyyattii Pawul Kaagaameen ibsa miidiyaaleef kennaniin, Gaaboonii fi Toogoo Garee ‘Common Wealth’tti akka maatiitti miseensummaan simachuu beeksisaniiru.
Ruwaandaan bara faranjootaa 2009 Garee ‘Common Wealth’tti erga makamtee booda biyyoota Afriikaa Lixaa jalqabaa kan Afaan Faransaayi dubbatan miseensa ta’aniidha jedhameera.
Biyyoonni miseensa garechaa hedduun isaanii garechaa gitaa bittaa Biritaaniyaa jala kan turan, Afaan Ingilizii kanneen dubbatan ta’uu CGTN gabaaseera.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.