Finfinnee, Amajjii 16, 2015 (FBC)- Koorporeeshiniin Misoomaa fi Baankii Lafaa Invastimantii alaa Doolaara Biiliyoona 2 hawwachuuf karoorfatee hojjechaa jiraachuu beeksise.
Koorporeeshinichi Fooramii invastimantii idil addunyaa Amajjii 18-19, 2015 Finfinnee Goola Hambaa Saayinsii Ityoophiyaatti mata duree ‘Invest Origin 2023” jedhuun kan gaggeeffamu keessummeessuuf qophii xumuruu ibseera.
Hoji Gaggeessituun Koorporeeshinichaa Leensaa Mokonnin ibsa FBC’f kennaniin, waltajjiichi invastaroota ga’umsaa qabanii fi fedhii misoomaa qaban hawaachuuf kan kaayyeffate ta’uu eeran.
Foormichaan dhaabbilee garaagaraa 3 waliin waliigaltee mallatteessuuf karoorfamuu fi waliigaltee dhaabbilee kanneen waliin taasiifamurraa galii Doolaara biiliyoona 2 ol argachuuf kan hojjetamu ta’uu eeraniiru.
Koorporeeshinichi dameewan invastimatii ijoo afur jechuunis misooma manneenii, fayyaa, barnootaa, tajaajilaa fi Teeknooloojii quunnamtii Odeeffannoorratti tuma waaraa uumuuf addaa baasuu ibsaniiru.
Fooramichis Ityoophiyaatti gaggeeffamuun dameewwan invastimantii babal’isuu, faayidaa hawaas-diinagdee mirkaneessuun imala badhaadhinaa lammiilee saffisiisuuf kan gargaaru ta’uu himaniiru.
Yoonaattaan Yooseeftu gabaase.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.