Finfinnee, Sadaasa 15, 2017 (FBC)- Bulchiinsa Magaalaa Finfinneetti waltajjiin xumuraa kabaja Waggaa 5ffaa hundeeffama Paartii Badhaadhinaa fi mariin paanaalii Yaadannoo Injifannoo Adwaatti gaggeeffamaa jira.
Waltajjicharratti Kantiibaan Bulchiinsa Magaalattii Aadde Adaanecha Abeebeen, waggoota jijjiiramaa darbanitti hojmaanni qoqqoodoo, loogii heddummaataanii fi Itiyoophiyaa duubatti hambisan maqfamaniiru jedhan.
Badhaadhina Itiyoophiyaaf kan barbaachisan hammattummaa fi jijjiirama bu’uureffachuun boqonnaa badhaadhinaarratti argamna jedhaniiru.
Itti Gaafatamaan Waajjira Paartii Badhaadhinaa Damee Finfinnee Mogas Baalchaan gama isaaniin, paartichi dagaagina yaadaan Itiyoophiyaa gara guddinaatti ceesisaa jiraachuu ibsan.
Waltajjicharratti qondaaltoonni mootummaa, Abbootiin Amantaalee, Abbootiin Gadaa, Haadholiin Siinqee fi jaarsoliin biyyaa argamaniiru.
Tsaggaayee Nigustu gabaase.
#Oromia #Ethiopia