Finfinnee, Fulbaana 26, 2015(FBC)- Bulchiinsa Magaalaa Finfinneetti Piroojektoota meeggaa Birrii biiliyoona 7.6’n ijaaruuf waliigalteen mallatteeffame.
Boqonnaa jalqabaan baasii Birrii biiliyoona 6.1 oliin piroojektoota Giddugala gurgurtaa Oomishaalee qonnaa 2 kutaa magaalaa Lammii Kuraatti, giddugala Oomishaalee qonnaa 1 ammoo kutaa magaalaa Kolfee Qaraaniyootti kan ijaaraman ta’uu eerameera.
Piroojektichi magaalichatti dhiyeessiin oomisha qonnaa amansiisaan akka jiraatuuf kan gargaaruufi gabaa tasgabeessuun oomishtootaafi shammattootaaf oomishni madaalamaa akka dhiyaatu kan taasisu ta’uu ibsameera.
Boqonnaa lammaffaan baasii Birrii biiliyoona 1.5 kan ijaaramu ijaarsa gamoo abbaa darbii 8 babal’ina hospitaala Zawdituu ta’uu eerameera.
Gamichi sireewwan dhukkubsattoota 200keessummeessan, kutaalee wal’aansa yaala hatattamaa 27 akkasumas tajaajila wal’aansa baqaqsanii yaaluufi fiiziyooteeraappii dabalatee galmawwan walga’ii kan qabu ta’uu kantiibaan magaalichaa Aadde Adaanach Abeebeen ergaa gama miidiyaa hawaasummaa isaaniin dabrsaniin ibsaniiru.
Piroojektiiwwan kunneen dhaabbilee ijaarsaa Ooviid Giruuppifi Tasfaayee Hayileen kan ijaaraman ta’uu ibsameera.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.