Finfinneetti Oomishni Qullubbii Diimaa kallattiin hawaasaaf dhiyaachaa jiraachuu ibsame

Guyyaa kaleessaa jalqabee oomishini Qullubbii Diimaa naannoo Oromiyaa Godina Arsii kallattiin Qonnaan bulaarraa magaalaa Finfinnee galuu kan eegale yoo ta’u,bakka hawaasaaf mijataa ta’etti gurgurtaaf dhiyaachaa jiraachuu Daayrektarri Daayreektoreetii Dhimmoota Kominikeeshinii Ejansii Bulchiinsa Waldaa Hojii Gamtaa magaalaa Finfinnee obbo Xilahuun Geetachoo ibsaniiru.

Yeroo itti aanus idileen bakka hawaasaf mijataa ta’eetti oomishni kun kallattiin kan dhiyaatu ta’uu ibsaniiru.

Waldaaleen Ejansicha waliin waliigaltee qaban oomishaalee kanneen kallattiin hawaasaaf dhiyeessuuf kan hojjatan akka ta’e kaasaniiru.

Oomisha Qullubbii Diimaa kana gatii madaallawaan hawaasaaf iddoo mijatutti dhiyeessuun kan itti fufu ta’uu obbo Xilahuun eeraniiru.

Gaaddisaa Geetaachootu gabaase.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.