Finfinnee, Sadaasa 28, 2015 (FBC) – Kantiibaan Magaalaa finfinnee Aadde Adaanech Abeebee miseensota shan kan qabu koree farra malaanmaltummaa hundeessan.
Miseensonni korichaas, Aadde Liidiyaa Girmaa (Hoggantuu Biiroo Bulchiinsaa fi Nageenyaa Magaalaa Finfinnee), Obbo Jamaal Raddaa (Komishinara Koomishinii Farraa Magaalammaltummaa Magaalaa Finfinnee), Obbo Tasfaayee Dajanee (Ittaanaa Hogganaa Biiroo Haqaa Magaalaa Finfinnee), Obbo Xilaahuun Giddiyallawu (Abbaa Alangaa Magaalaa Finfinnee) Fi Koloneel Ahimad Mahaammad (Ittaanaa Hogganaa Biiroo Galiiwwan Finfinnee) ta’uun ibsameera.
Sochii farra malaanmaltummaa eegalameerratti qabsaa’uu fi dhaabuuf ajandaawwan garaagaraa bocuun, keessumaa manneen barnootaa giddugala jeequmsaa taasisuuf Magaalaa Finfinneetti gareen gurmaa’e sochii eegaluu ibsameera.
Hawaasnis kana dammaqinaan hordofuun shira kana akka fashaleessuu fi qabsoon farra hattummaa kan addaan hincinne ta’uu hubachuun, raga fi eeruu barbaachisaa korichaaf akka kennan waamichi dhiyaachuu ragaan waajjira kantiibaa magaalichaarraa argame ni mul’isa.
Hawaasni toora bilbila tolaa 9977’n eeruu fi odeeffannoo barbaachisaa kennuun qabsoon farra malaanmaltummaa hundaa hirmaachisaa taasisuuf, korecha cinaa akka dhaabbatu bulchiinsi magaalichaa waamicha dhiyeesseera.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.