Finfinnee, Caamsaa 25, 2015 (FBC)- Sagantaa Ashaaraa Magariisaa baranaaf Magaalaa Finfinneetti dhaabbilee garaagaraan kan dhaabaman biqiltuuwwan kuma 800 ol qophaa’uu Giddugalli Biqiltuuwwanii Guullallee beeksise.
Daayrektarri giddugalichaa Dooktar Guutamaa Morodaa akka ibsanitti, barana dhaabbilee garaagaraa magaalattiitti argamaniin biqiltuuwwan kuma 800 ni dhaabamu.
Giddugalichi barana sagantaa Ashaaraa Magariisaan biqiltuuwwan biyya keessaa, eegumsa biyyee fi bishaaniif oolanii fi iji isaanii soorataman dabalatee miidhagina naannawaaf kan oolan qopheeffamuu eeraniiru.
Lafa heektaara 705 irratti biqiltuuwwan bara darbe dhaabaman keessaa %90 latuu ibsuu TOI gabaaseera.
Sadarkaa biyyaalessaatti waggoottan afran darban sagantaa Ashaaraa Magariisaa gaggeeffame biqiltuuwwan biiliyoona 25 dhaabamuun ni yaadatama.
#Oromiyaa #Ityoophiyaa
Odeeffannoowwan waqtaawaa dabalataan argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.