Finfinnee, Sadaasa 16, 2017 (FBC)- Fiinlaandi hariiroo gamlamee Itiyoophiyaa waliin qabdu cimsuuf fedhii qabaachuu ibsite.
Mana Maree Bakka Bu’oota Uummataatti Koreen dhaabbii dhimmoota hariiroo alaa fi nageenyaa miseensoota Paarlaamaa Fiinlaandi waliin mari’ataniiru.
Walitti Qabaan Garee Michummaa Dippiloomaasii Paarlaamaa Itiyoo- Fiinlaandi Ambaasaaddar Diinaa Muftiin, hariiroo biyyoonni lameen dameelee adda addaan qabaniifi carraawwan jiranirratti ibsa taasisaniiru.
Biyyoonni lameen hariiroo bu’a qabeessa waggoottan dheeraa qabaachuu eeraanii,gama bishaaniin,Dijitaalayizeshinii fi dhimmoota biroo irratti jiran cimsuun barbaachisaa ta’uu ibsaniiru.
Miseensoonni Paarlaamaa Fiinlaandi gamasaaniin, dameelee garaagaraan hariiroo Itiyoophiyaa waliin qabduu cimsuuf fedhii qabaachuu ibsuu TOI gabaaseera.