Finfinnee, Mudde 20, 2015 (FBC) – Fiigichi Qaxxaamura biyyaa idil Addunyaa Horufa Boombii 40ffaan Dilbata dhufu magaalaa Sulultaatti kan fiigamu ta’uu Federeeshiniin Atleetiksii Ityoophiyaa beeksiise.
Fiigicha Qaxxaamura biyyaa Horufa Boombii 40ffaa kanarratti Atleetoonni kumni 1 fi 29 ol kan hirmaatan ta’uu dursaa Itti aanaan Pireezidaantii federeeshinichaa Atleet Gazzahaanyi Abarraan ibsaniiru.
Fiigichi fageenya meetira kuma 10 Atleetoota buleeyyii dhiirootaa fi dubartootaan kan fiiggamu yoo ta’uu, Atleetoota guddattoota dhiirootaa meetira kuma 8, dubartoota guddaattoota meetira kuma 6 fi meetira kuma 8 ammoo buleeyyii fi guddattoota walmakaa gidduutti kan fiiggamu ta’uu dursaan garee hirmaattootaa fi dorgommii federeeshinichaa Asfaaw Daanyeen himaniiru.
Atleetoota buleeyyii 1ffaa hanga 6ffaa ba’aniif badhaasni Birrii kuma 50 hanga kuma 14 qophaa’uu eeraniiru.
Akkasumas guddattoota 1ffaa hanga 6ffaatti ba’aniif badhaasni Birrii kuma 40 -10 qophaa’uu himaniiru.
Maddi:-TOI
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.