Finfinnee, Sadaasa 26, 2017 (FBC) – Faanaa Biroodkaastiingi Koorporeetii fi Waaltaa Miidiyaa fi Kominikeeshin Koorporeet ifatti Faanaa Miidiyaa Koorporeeshin jedhamuun walitti makanan.
Sirna walitti makamuu har’a Hoteela Giraandi Eeliyaanaatti gaggeeffameen miidiyaaleen lamaan Faanaa Miidiyaa Koorporeeshin jedhamuun ifatti walitti makamuu ifoomeera.
Sirna kanarratti Pireezidaantii Itti Aanaa Paartii Badhaadhinaa fi Sadarkaa Ministira Muummee Itti Aanaatti Itti Gaafatama Giddugala Qindeessa Sirna Diimookiraasii Obbo Adam Faaraah, Ministirri Tajaajila Kominikeeshinii Mootummaa Dooktar Laggasaa Tulluu,Ministira Ministeera Tuurizimii Salamaawiit Kaasaa, Walitti Qabaa Boordii Faanaa Miidiyaa Koorporeeshin Daani’eel Kibret, Hoji Raawwachiisaa Faanaa Miidiyaa Koorporeeshin Obbo Admaasuu Daamxoo dabalatee keessummoonni biroon argamaniiru.
Walitti makamuun miidiyaalee kanneenii Faayinaansii, Humna Namaa, Teeknooloojii fi bu’uuraalee misoomaa qindeessuun qisaasama qabeenyaa hambisuun miidiyaa jabaa ijaaruufi
jedhame.
Faanaa Miidiyaa Koorporeeshin chaanaaliiwwan Teeleeviizyiinii 2, Buufataalee Raadiyoo 3 fi Fuula miidiyaalee hawaasummaa hunda qabaata jedhameera.
Malaakuu Gadiftu gabaase.
#Oromia #Ethiopia