Amajjii 2, 2015(FBC)- Faanaa Broodkaastiing Korporeetiifi Ministeerri Magaalaafi Bu’uuraalee Misoomaa haala waliin hojjechuu danda’anirratti waliigaltee waliif mallatteessan.
Waliigalticha hojii raawwachiisaa olaanaan Faanaa Broodkaastiing Korporeet Obbo Admaasuu Daamxoofi Ministirri Ministeera Magaalaafi Bu’uuraalee Misoomaa aadde Caaltuu Saaniin mallatteessaniiru.
Waliigaltichi dhaabbileen lameen dameewwan hedduurratti waloon hojjechuu kan dandeessisu ta’uu ibsameera.
Hojii Ministeerichi hojjetu uummanni akka beekuuf Faanaa Broodkaastiing Korporeet waliin hojjechuun barbaachisaa ta’uu Aadde Caaltuu Saaniin ibsaniiru.
Waliigaltichi hojiilee ministeerichi hojjetu uummatatti beeksisuuf akkasumas komii hawaasa bira jiruufi wanta ministeerichi barbaadu beeksisuuf kan gargaaru ta’uu kaasaniiru.
Yeroo ittaanutti ministeerichi Faanaa Broodkaastiing Korporeet waliin hojjechuuf qophii ta’uu addeessaniiru.
Hojii Raawwachiisaa Olaanaan Faanaa Broodkaastiing Korporeet Obbo Admaasuu Daamxoon gamasaaniin, waliigaltichi hojii misoomaa biyyattiin eegalte gara hawaasaa akka gahuuf kan gargaaru ta’uu ibsaniiru.
Hojiilee magaalaafi bu’uuraalee misoomaan walqabatan dandeettii guutuun uummata biraan gahuuf qophii ta’uu kaasaniiru.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.