Finfinnee, Guraandhala 10, 2015 (FBC)- Faanaa Biroodkaastiing Koorporeetiifi Yuuniivarsiitiin Odaa Bultum waliigaltee waliin hojjechuu isaan dandeessisu guyyaa har’aa waliif mallatteessaniiru.
Waliigaltichi leenjiifi barnoota qulqullina isaa eeggate kennuuf, ogeeyyii beekumsa, ogummaafi naamuusa ogummaa gahooman uumuuf akkasumas hojiilee teekinooloojiifi qorannoo guddina biyyaafi guddina sirna diimokiraasiif fayyaduu danda’uun waliin hojjechuu kan danbdeessisu ta’uu ibsameera.
Waliigalticha Hojii Raawwachiisaa Olaanaan Faanaa Biroodkaastiing Koorporeet obbo Admaasuu Daamxoofi Pireezidaantiin Yuuniivarsiitii Odaa Bultum Piroofeesar Muktaar Muhaammad mallatteessaniiru.
Dabalataanis Faanaa Biroodkaastiing Koorporeetiifi Yuuniivarsiitiin Asoosaa guddina hunda galeessa biyyaaf waloon kan hojjetan ta’uufi dhimmoota hawaasarratti xiyyeeffataniifi yuuniivarsiiticha keessatti hojjetaman gama miidiyaan waliin gahuuf kan waltumsan ta’uu eeraniiru.
Maraa’ol Kadirtu gabaase.
#Oromiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.