Finfinnee, Sadaasa 9, 2017 (FBC)- Faalama qilleensaa magaalaa gudditti Hindii Niwudeelhiitti mudateen hurriin sochiif rakkisaa ta’e umamuun ibsame.
Gabaasaaleen ba’aa jiran akka mul’isanitti Dhaabbanni Fayyaa Addunyaa sadarkaalee faalama qilleensaa hargansuuf rakkisaa ta’an jechuun eere faalamnii kun harkaa 15’n akka caalu himameera.
Faalamni hamaan kun tajaajilli balalii qilleensaa akka haqaman, hojiileen ijaarsaa akka dhaabbatan, manneen barnootaas yeroof akka cufaman taasisuun gabaafameera.
Hojjettoonni mootummaa %50 ta’an mana isaanii ta’anii akka hojjetan taasifamuus ibsameera.
Faalamni mudate kun guyyoottan itti aanaan hammachuu akka danda’u kan raagame yoo ta’u, torban darbe mootummaan biyyattii, hawaasni dhagaa cilee, qoraanii fi jenereetara akka hinfayyadamne dhorkii dabarsuu BBC’n gabaseera.
#Oromia #Ethiopia