Finfinnee,Mudde 4, 2017 (FMC) – Dooniin Xaa’oo biyyoo Daappii jedhamu Kuntaala kuma 500 fi kuma 50 ol feete Jibuutii gahuu Korporeeshiniin Hojiilee Qonnaa Itiyoophiyaa beeksise.
Xaa’oon biyyoo Daappii jedhamu kuntaalli miiliyoonni 2.4 yeroo dhiyootti Dooniwwan afuriin fe’amuun buufata Jibuutii kan qaqqqaban ta’uu himeera.
Xaa’oo biyyoo bara oomishaa 2017/18 barbaachisu keessaa hanga ammaatti kuntaalli miiliyoonni 1 ol Buufata Jibuutii qaqqabuu ragaan Korporeeshinicharraa argame ni mul’isa.
Xaa’oo Buufata Jibuutii qaqqabe keessaa hanga ammaatti kuntaalli kumni 400 fi kumni 72 fi 210 gara biyya keessatti geejjibsiifamuu ibseera.
#Oromia #Ethiopia