Finfinnee, Guraandhala 13, 2015 (FBC)- Ministirri Pilaanii fi Misoomaa Dooktar Fitsum Asaffaan Itti Gaafatamtuu Biiroo Afrikaa Sagantaa Misoomaa Dhaabbataa Mootummootaa Gamtoomanii Ahunaa Iziyaakoonwaan waliin mari’ataniiru.
Dookytar Fitsum Sagantaa Misoomaa Dhaabbataa Mootummootaa Gamtoomanii Ityoophiyaatti hojiirraa oolmaa misooma deeggaruun michummaa argisiiseef galateeffataniiru.
Sagantaan Misoomaa Addunyaa, misooma Ityoophiyaarratti hirmaannaan taasisu yeroo mara walfakkaataa ta’uu ibsuun kunis dameewwan misoomaa addaa addaarratti cimee itti fufuu akka qabu gaafataniiru.
Ahunaa Iziyaakoonwaan gama isaaniin, Ityoophiyaan qamadii alatti erguu eegaluutti gamaduu ibsanii ummataa fi mootummaa Ityoophiyaan baga gammaddan jedhaniiru.
Sagantaan Misoomaa addunyaas deeggarsa mootummaa Ityoophiyaf taasisu cimsee kan itti fufu ta’uu mirkaneessuu ragaan ministeericharraa argame ni mul’isa.
#Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.