Finfinnee, Fulbaana 2, 2016 (FBC) – Magaalaa Dirre Dhawaatti galii gurgurtaa Kitaaba dhaloota Ida’amuurraa argame Birrii miiliyoona 100n Mana Kitaabaa ijaaramuuf dhagaan Bu’uuraa kaa’ame.
Itiyoophiyaa badhaatee ijaaruuf dhaloota beekkumsaa fi ogummaa gahaa qabu horachuuf hojjechuun murteessaa ta’uu Kantibaan Magaalaa Dirre Dhawaa Obbo Kadi Jahaar ibsaniiru.
Giddugalawwan ogummaa fi beekkumsaa babal’isuun dhaloota qaruun guddisuun barbaachisaa ta’uus kaasaniiru.
Manni Kitaabaa kun lafa karee Meetira kuma 2 irratti kan ijaaramu yoo ta’uu, ijaarsi isaa baatii 18 keessatti xumuramuun tajaajilaaf banaa ta’a jedhamuu TOI gabaaseera.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.