Finfinnee, Bitootessa 27, 2015(FBC)- Dhaabbileen oomishtoota konkolaataa Raashiyaa hojii invastimantiin Naannawaa Daldala Bilisaa Dirree Dawaatti bobba’uuf fedhii qabaachuu ibsaniiru.
Bakka buutonni dhaabbilee oomishtoota konkolaataa Laadaafi Gaaz Giruuppi irraa dhufan Ittaanaa Hojii Raawwachiisaa Korporeeshinii Misooma Paarkiiwwan Indaastirii Shifarraawu Salamoon waliin mari’ataniiru.
Bakka buutota kanneeniif haalota mijatoo invastimantii paarkiiwwan indaastirii keessatti argamaniifi Naannawaa Daldala Bilisaa Dirree Dawaarratti ibsi kennameera.
Kana malees bakka buutonni kunneen sochii hojiifi adeemsa oomishaa Paarkiiwwan Indaastirii Boolee Lamiifi Qilinxoo daawwachuu eerameera.
Bakka buutonni kunneen hojii invastimantiin Naannawaa Daldala Bilisaa Dirree Dawaatti bobba’uuf fedhii qabaachuu ibsuusaanii ragaan korporeeshinicharraa argame ni mul’isa.
#Oromia #Ethiopia
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.