Finfinnee, Caamsaa 5, 2014 (FBC) – Daballii gatii boba’aa sababeeffachuun taarifa konkolaattota tajaajila geejjiba uummataa qaxxaamura biyyaarratti fooyya’iinsi taasifamuu Ministeerri Geejjibaa fi Loojistikii beeksise.
Haaluma kanaan daandii asphaaltiirratti daballiin gatii kiiloomeetira tokkoon saantima 0.039 taasifamuun kiiloomeetiratti Birrii 0.493 kan ture taariifa haaraan 0.532 ta’uu fi daandii cirrachaarratti ammoo kiiloomeetira tokkoon Birrii 0.548 kan ture gara 0.596tti guddachuu ministeerichi ibseera.
Gama biraan konkolaattota sadarkaa 2ffaaf daandii asphaaltiirratti Kiiloomeetiraan 0.457 kan ture gara 0.496tti yoo guddatu daandii cirrachaarratti ammoo kiiloomeetiraan 0.505 kan ture gara 0.554tti guddachuu eerameera.
Konkolaattota sadarkaa 3ffaaf daandii asphaaltiin kiloomeetiraan Birrii 0.416 kan ture gara 0.455 kan guddate yoo ta’u daandii cirrachaarratti ammoo kiiloometiraan Birrii 0.471 kan ture gara 0.520tti guddachuu ibsameera.
Sirreeffama kanaan imalaan tokko kiiloomeetira 100tti konkolaataa sadarkaa 1ffaa daandii asphaaltiin Birrii 49.29 kaffalaa kan ture Birrii 53.16 kaffala jechuudha.
Fuula Feesbuukii keenyaan dabalataa odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.