Finfinnee, Caamsaa 21, 2013 (FBC) – Cheelsiin goolii 1 fi 0n Maanchiisteer Siitii injifachuun Shaampiyoonaa kilaboota Awurooppaa bara 2020/2021 ta’eera.
Kilaboota Ingilaandii lamaan Cheelsii fi Maanchiisteer Siitii walitti kan fide taphni xummuraa Shaampiyoonsi Liigii Awurooppaa olaantummaa Cheelsiin xummurameera.
Taphichi Puurchuugaal Istaadiyeemii Poortootti gaggeeffameera.
Goolii Havertz daqiiqaa 42ffaarratti lakkoofsiseen kilabni Landon Cheelsiin yeroo 2ffaaf Shaampiyoonaa tapha Shaampiyoonsi Liigii Awurooppaa ta’eera.
Cheelsiin yeroo jalqabaaf Waancaa Shaampiyoonsi Liigii Awurooppaa bara Faranjootaa 2012 injifachuun isaa kan yaadatamuudha.
Maanchiisteer Siitiin yeroo jalqabaa tapha xummuraa Shaampiyoonsi Liigii Awurooppaaf qaqqabus osoo hin milkaa’iin hafeera.
Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.